سياسة الخصوصية والكوكيز
آخر تحديث: 15 أكتوبر 2026
السياسة دي بتوضح موقع رفيق (rafeeqrx.com) بيعمل إيه بالمعلومات اللي تخصك. باختصار: إحنا مش بنتتبعك، ومش بيوصلنا منك أي حاجة غير لما تكلمنا إنت.
بنجمع إيه من الموقع
ولا حاجة بشكل مباشر. الموقع مفيهوش تسجيل ولا فورم بتبعتلنا بيانات. ومساعد الشات شغال جوه المتصفح بتاعك: اللي بتكتبه بيفضل عندك، ومش بيوصلنا غير لو إنت اخترت تفتح واتساب بالرسالة اللي اتجهزت.
لما تتواصل معانا
لو بعتلنا أو كلمتنا، بيوصلنا اللي إنت بتبعته، زي اسمك ورقمك واسم الصيدلية والمنطقة. وبنستخدمه بس عشان نرد عليك ونحدد الديمو ونخدمك كعميل، ومش بنبيعه ولا بنشاركه لأي تسويق.
الكوكيز والتخزين في المتصفح
مش بنستخدم أي كوكيز للإعلانات أو الإحصائيات أو التتبّع. الموقع بيحتفظ في متصفحك بحاجتين صغيرين بس: اللغة اللي اخترتها، وموافقتك على الشروط دي. وتقدر تمسحهم في أي وقت من إعدادات المتصفح.
الخدمات اللي بتشغّل الموقع
الموقع مستضاف على Cloudflare، ومكتبة الرسومات ثلاثية الأبعاد بتتحمّل من jsDelivr. وزي أي استضافة، الخدمات دي بتتعامل مع بيانات تقنية زي عنوان الـ IP عشان توصّل الصفحات وتأمّنها. وأي محادثة تبدأها معانا على واتساب بتتم عن طريق واتساب (ميتا).
بيانات الصيدلية في السيستم
البيانات اللي الصيدلية بتسجّلها على سيستم رفيق بيحكمها العقد مع الصيدلية، مش السياسة دي. والبيانات دي بتفضل على جهاز الصيدلية نفسه، والنسخ الاحتياطية بتتشفّر قبل ما تخرج منه.
حقوقك
من حقك تسألنا إيه المعلومات اللي عندنا عنك من رسايلك، وتطلب تعديلها أو مسحها. كلمنا على واتساب أو تليفون +20 127 003 9339.
التعديلات
ممكن نحدّث السياسة دي. التاريخ اللي فوق بيوضح آخر نسخة.